Trump kërcënon Meksikën me tarifa dhe sanksione për ‘vjedhjen’ e ujit nga fermerët e Teksasit

Presidenti Donald Trump kërcënoi të vendosë tarifa dhe ndoshta sanksione kundër Meksikës, nëse ajo vazhdon të mos i përmbahet Traktatit të Ujit të vitit 1944, i cili garanton ujë për fermerët në Teksasin Jugor. Të dy vendet janë grindur për traktatin më parë, por mungesat e ujit të shkaktuara nga thatësira ishin më të rëndat në gati 30 vjet.
Në një postim në Truth Social të enjten, Trump deklaroi se Meksika i detyrohet Teksasit 1.3 milion hektarë ujë sipas Traktatit të Ujit të vitit 1944, megjithëse Meksika po shkelte detyrimin e saj. Sipas traktatit të hartuar për të ndarë burimet e përbashkëta të ujit, Meksika duhet të dërgojë 1.75 milion akra-këmbë ujë nga Rio Grande në SHBA gjatë një cikli pesëvjeçar.

“Kjo është shumë e padrejtë dhe po i dëmton shumë keq fermerët e Teksasit Jugor”,  “Vitin e kaluar, e vetmja fabrikë sheqeri në Teksas u mbyll, sepse Meksika ka vjedhur ujin nga fermerët e Teksasit. Ted Cruz ka udhëhequr luftën për t’i dhënë Teksasit Jugor ujin që i takon, por Sleepy Joe refuzoi të lëvizte gishtin për të ndihmuar fermerët. KJO MBAROJ TANI!  Vetëm muajin e kaluar, unë ndalova dërgesat e ujit në Tijuana derisa Meksika të përmbahet Traktatit të Ujit të vitit 1944. Sekretarja ime e Bujqësisë, Brooke Rollins, po mbron fermerët e Teksasit dhe ne do të vazhdojmë të përshkallëzojmë pasojat, duke përfshirë TARIFAT dhe, ndoshta edhe SANKSIONET, derisa Meksika të respektojë Traktatin dhe t’i japë Teksasit ujin që i detyrohet!”  shkroi presidenti.

Industria gjysmë miliard dollarëshe e agrumeve në Teksas varet shumë nga uji nga Meksika, veçanërisht me kushtet e thatësirës që po përkeqësohen në rajon. Në fakt, Teksasi është shteti i tretë më i madh i agrumeve pas Kalifornisë dhe Floridës.

“Mungesat e vazhdueshme të Meksikës në furnizimin me ujë sipas traktatit të ndarjes së ujit të vitit 1944 po shkatërrojnë bujqësinë amerikane – veçanërisht fermerët në luginën e Rio Grande.  Si rezultat, sot për herë të parë, SHBA-të do të refuzojnë kërkesën e Meksikës jashtë traktatit për një kanal të posaçëm furnizimi për ujin e lumit Colorado që do të furnizohet në Tijuana.” shkroi agjencia në X.