play_arrow

keyboard_arrow_right

Listeners:

Top listeners:

skip_previous play_arrow skip_next
00:00 00:00
playlist_play chevron_left
volume_up
chevron_left
  • cover play_arrow

    LIVE CLUB FM SHQIPËRI

  • cover play_arrow

    LIVE CLUB FM KOSOVË KOSOVË

  • cover play_arrow

    LIVE RADIO SHQIP DËGJO SHQIP

Bota

Trump, ‘fitore’ në Gjykatën e Apelit/ Gati të depozitojë garancinë, ‘shpëton’ nga gjoba 454 mln

today26/03/2024

Background
share close

Konsiderohet një fitore për Donald Trumpin vendimi i Gjykatës së Apelit në Nju Jork për të shtyrë ekzekutimin e vendimit të gjobës prej 454 milionë dollarësh ndaj ish-presidentit nëse ai arrin të depozitojë një garanci prej 175 milionë dollarësh brenda 10 ditëve.

Nëse garancia depozitohet, kjo do të pezullojë procesin e ekzekutimit të vendimit dhe do t’ia ndalojë shtetit të Nju Jorkut sekuestrimin e pasurive të kandidatit të pritshëm për president të Partisë Republikane, teksa procesi i apelimit vazhdon. Trumpi vetë pohoi se do ta paguajë garancinë. Të gjitha këto lëvizje praktikisht, i hapin atij rrugën për të kandiduar i pashqetësuar në zgjedhjet presidenciale të nëntorit.

Gjykata e apelit vendosi gjithashtu të rrëzojë masën e dhënë nga gjykatësi i shkallës së parë që ua ndalonte për shtatë vjet zotit Trump dhe djemve të tij, Eric Trump dhe Donald Trump Jr., drejtimin e bizneseve në Nju Jork. Vendimi i gjykatës së apelit është një fitore e rëndësishme për ish-presidentin, ndërsa ai mbron perandorinë e tij të pasurive të patundshme, që e ndihmoi të hyjë në jetën publike amerikane. Masa e gjykatës së apelit u dha vetëm pak përpara afatit kur prokurorja e Nju Jorkut, Letitia James, e zgjedhur nga radhët e demokratëve, pritej të fillonte procesin e ekzekutimit të vendimit të gjobës.

Written by: Sasha Ndreka

Rate it

Post comments (0)

Leave a reply

Your email address will not be published. Required fields are marked *