Thuhet në tryezën e liderëve: Putin “u ka vënë syrin” 5 shteteve në Europë!

Presidenti i Ukrainës Volodymyr Zelensky ka deklaruar se Vladimir Putin “u ka vënë syrin” 5 shteteve të tjera në kontinent, në rast se Ukraina bie. Nëse nuk ndalet lufta në Ukrainë, tha se Putin do vijojë me ambicien e tij përtej këtyre territoreve. Në një konferencë për shtyp të Hënën në Kiev, Zelensky shtoi se Presidenti rus do përpiqet të zgjerojë invazionin e tij, duke paralajmëruar europianët se Rusia nuk heq dorë nga idetë e vjetra të Bashkimit Sovjetik. Duke iu drejtuar Putinit, theksoi se ai po përdor të njëjtën taktikë si në 2014-ën, për aneksimin e disa territoreve të tjera në Ukrainë.

Sipas Zelenskyt, shtetet të cilave iu kanoset rreziku rus janë Estonia, Letonia, Polonia, Moldavia dhe Sllovakia. “Kur ke njerëz që flasin rusisht …atëherë je në rrezik. Që në fillim e kanë thënë që ata nuk po marrin tokën tonë, por po mbrojnë njerëzit që flasin rusisht.” “Nëse Ukraina bie, të gjitha vendet që përmenda janë në rrezik. Sepse kjo është pikëpamja e Rusisë për botën!”

Por duhet theksuar se të gjitha vendet që Zelensky ka përmendur janë shtete anëtare të NATO-s, që do të thotë se në rast agresioni, ata marrin menjëherë ndihmën ushtarake. Moldavia ka dhe një marrëveshje për mbrojtjen me Bashkimin Evropian