Tensionet në veri, anulohen stërvitjet “Defender Europe 23” në Kosovë

Stërvitjet që ishin parashikuar për t’u zhvilluar ditën e sotme (30 maj) në kuadër të stërvitjes ndërkombëtare “Defender Europe 23”  në Kosovë janë anuluar.

Njoftimi u  bë nga Ministria e Mbrojtjes e Kosovës se kjo ndodhi për shkak të situatës në veri por nuk u dhanë detaje të tjera.

Situata në veri të Kosovës përshkallëzoi ditën e djeshme (29 maj) ku u plagosën 41 ushtarë të KFOR-it pas tensioneve që shkaktuan protestuesit serbë.

Nga 21 maji, Kosova po merr pjesë në stërvitjen “Defender Europe 2023” me mbi 1.300 ushtarakë të Forcës së Sigurisë së Kosovës ku stërvitet së bashku me 24.000 ushtarakë të 25 vendeve të NATO-s.