Të ikja nga Italia, si të humbisja gruan e jetës time”, Roberto Mancini prezantohet: Nëse Italia shkon në botëror, jemi mes pretendetëve

Roberto Mancini është zyrtarisht trajneri i ri i Kombëtares së Italisë. Pas javësh negociatash dhe diskutimesh, presidenti Giovanni Malagò i besoi sërish drejtimin e “Axurrëve” teknikut që i udhëhoqi drejt triumfit në Kampionatin Europian të vitit 2021.

“Tre vite më parë pati mungesë komunikimi mes meje dhe Gravinës. Për mua Kombëtarja ishte si të humbisja gruan e jetës sime. Falë Malagòs mora një mundësi të dytë dhe do të përpiqem ta shfrytëzoj në maksimum,” deklaroi trajneri italian.

Tekniku theksoi gjithashtu se objektivi kryesor mbetet rikthimi i Italisë në Kupën e Botës, duke shprehur bindjen se, nëse arrin të kualifikohet, kombëtarja italiane mund të jetë pretendente për trofeun.

Trajneri italian foli edhe për repartin ofensiv, duke treguar besim te brezi i ri i sulmuesve.

“Shpresoj që Esposito, Kean dhe Retegui të arrijnë të shënojnë gjatë karrierës aq gola sa Immobile. Keanin e kam debutuar unë dhe e njoh shumë mirë. Nuk besoj se kemi probleme të mëdha në sulm,” përfundoi ai.