Sonte, derbi iberik për një vend në çerekfinale

Portugalia përballet sot me Spanjën në fazën e 1/8 të Botërorit. Portugezët kaluan Kroacinë duke e mundur 2–1 dhe synojnë çerekfinalen për herë të dytë radhazi. Janë në formë të mirë, 12 fitore në 17 ndeshjet e fundit.

Spanja mposhti Austrinë 3–0 pa i lejuar asnjë goditje në portë. Derbi i fundit iberik u zhvillua vitin e kaluar, ku Portugalia fitoi finalen e Ligës së Kombeve pas penalltive.

“Natyrisht, të gjithë jemi këtu me shpresën për ta fituar, veçanërisht unë. Në çdo turne hyj me synimin për ta fituar. Por e dimë se mund të ketë vetëm një fitues. Nuk mund të ketë dy apo tre. Prandaj duhet të shijojmë momentin dhe të mos mendojmë shumë për të ardhmen; ta marrim çdo ditë ashtu siç vjen”, deklaroi Ronaldo.

Shtetet e Bashkuara të Amerikës nuk duan të ndalen këtu, por të ecin sa më larg në Botërorin që po e luajnë në shtëpi. Përballë do të kenë Belgjikën, që eliminoi Senegalin me përmbysje. Në përballjet e mëparshme, përfaqësuesja amerikane ka fituar vetëm 1 ndeshje në Botërorin e 1930, ndërsa 6 ndeshjet e tjera janë suksese të asaj belge.