Sërish telashe për Infantinon, dyshohet se përfitoi pagesa shtesë

Stuhia rreth presidentit të FIFA-s, Gianni Infantino, vazhdon. Një investigim i publikuar nga gazeta britanike The Times ngre pikëpyetje mbi të ardhurat e tij dhe zbulon pagesa shtesë, përtej pagës zyrtare.

Sipas dokumenteve të publikuara, Infantino ka përfituar rreth 4 milionë e 590 mijë euro gjatë vitit 2024 nga paga, bonuset dhe përfitimet si president i FIFA-s.

Në total, të ardhurat e tij për vitin 2024 arrijnë në rreth 6 milionë e 170 mijë euro.

Dokumentet tregojnë se drejtues të tjerë të lartë të FIFA-s nuk kanë përfituar pagesa shtesë nga e njëjta kompani.

Ndërkohë, presidenti i FIFA-s zotëron një vilë luksoze në një nga zonat më ekskluzive të Miami Beach.

Këto zbulime vijnë në një moment delikat për kreun e FIFA-s, i cili përballet me pikëpyetje mbi transparencën financiare dhe drejtimin e institucionit.

Me zgjedhjet presidenciale të FIFA-s të parashikuara për marsin e vitit 2027, mbetet për t’u parë se si këto zhvillime do të ndikojnë në mbështetjen ndaj Infantinos dhe në të ardhmen e tij në krye të futbollit botëror.