Serie A i beson brezit të ri

Serie A po përjeton një ndryshim të rëndësishëm në stolat e skuadrave, me një brez të ri trajnerësh që po fiton gjithnjë e më shumë hapësirë në elitën e futbollit italian.

Ndryshe nga futbollistët e rinj, të cilët vazhdojnë të kenë vështirësi për të gjetur minutat e nevojshme për t’u afirmuar në kampionat, te trajnerët situata është krejt tjetër.

Këtë sezon, mosha mesatare e trajnerëve në kampionatit italian do të jetë 49.5 vjeç, duke zbritur për herë të parë nën kufirin e 50 viteve dhe shënuar nivelin më të ulët të dekadës së fundit.

Një prej emrave që ka ngjallur më shumë kuriozitet është Rúben Amorim, ndërsa interes të madh ka edhe për italianët Alberto Aquilani dhe Ignazio Abate, të cilët së fundmi kanë fituar mundësinë për të drejtuar në nivelet më të larta pas eksperiencave të tyre në Serie B.

Në fokus do të jetë gjithashtu edhe Domenico Tedesco, një tjetër trajner i gjeneratës së re që pritet të tërheqë vëmendjen.

Tendenca e re tregon se futbolli italian po hap gjithnjë e më shumë dyert për trajnerët e rinj, duke sjellë në stol ide të reja, filozofi moderne dhe një ndryshim gradual të panoramës së elitës së futbollit italian.