Rita Ora do të prezantojë “MTV European Music Awards” me partnerin e saj!

Rita Ora dhe regjisori i shpërblyer me “Oscar” dhe “Grammy”, Taika Waititi, do ta prezantojnë ceremoninë e këtij viti  të ndarjes së çmimeve “MTV European Music Awards”.

Fansat mund t’i votojnë artistët e tyre të preferuar në 17 kategoritë e ndryshme të ceremonisë, përfshirë këtu kategoritë për shpërblimet kryesore si, “Kënga Më e Mirë”, “Artisti Më i Mirë” dhe “Bashkëpunimi Më i Mirë .

“Jam e emocionuar që jam rikthyer si prezantuese dhe ndarja e skenës me Taikan e bën atë edhe më të veçantë.

Ceremonia këtë vit  është jashtëzakonisht e veçantë, ka surpriza argëtuese, modë, komedi dhe mbi të gjitha muzikë fantastike. Mezi presim që ta ndajmë këtë eksperiencë me publikun”-ka thënë këngëtarja.

Ngjarja “MTV European Music Awards” mbahet në Düsseldorf të Gjermanisë më 13 nëntor, dhe do të transmetohet live në kanalin “MTV” në më shumë se 170 shtete.