Qeveria e re gjermane, mbështetje për integrimin e Ballkanit

Drafti i marrëveshjes së pritshme të koalicionit të ri qeverisës të Gjermanisë përfshin mbështetje për politikën e jashtme dhe atë të zgjerimit të BE-së.

Qeveria e ardhshme e Gjermanisë synon që të forcojë aftësitë e sigurisë së BE-së.

Ky draft është fryt i diskutimeve të vazhdueshme të koalicionit mes kristiandemokratëve dhe socialdemokratëve. Disa nëngrupe pune kanë përpunuar detajet konkrete të një marrëveshjeje të ardhshme koalicioni qeverises.

Sipas draftit, politika e zgjerimit të BE-së ka fuqi të madhe transformuese dhe është një domosdoshmëri gjeopolitike.

Propozohet një qasje e bazuar në progresin individual të arritur nga vendet kandidate në afrimin me vlerat dhe standardet evropiane. Më tej thuhet se situata e ndryshuar globale kërkon një zhvillim të mëtejshëm të procesit të anëtarësimit në BE.

Në të njëjtën kohë theksohet se BE-ja duhet të jetë e aftë për zgjerimin e saj duke siguruar që reforma paralele institucionale të sjellë rezultate konkrete.

Aderimi i rëndësishëm i gjashtë vendeve të Ballkanit Perëndimor, Ukrainës dhe Moldavisë për BE-në thekson Berlini është në interesin e tyre reciprok.