Nuk kishin para për t’i blerë biletën, çifti braktis foshnjën në aeroport

01/02/2023

Një ngjarje e pazakontë ka ndodhur në aeroportin Ben-Gurion në Tel Aviv të Izraelit. Një çift është vënë në pranga pasi kanë lënë fëmijën e tyre në aeroport, pasi kishin refuzuar t’i prisnin atij një biletë për fluturimin.

Prindërit, të dy me pasaporta belge, u arrestuan teksa po shkonin te kontrolli i pasaportave. Stafi i aeroportit kishte vënë re se çfarë kishte ndodhur dhe njoftoi menjëherë policinë, e cila arrestoi çiftin.

“Nuk kemi parë kurrë diçka të tillë. Nuk mund ta besonin atë që po shihnim”, u shpreh një prej anëtarëve të stafit të aeroportit. Autoritetet e Aeroportit të Izraelit kanë thënë se çifti mbërriti me vonesë në Terminal. Ata nxituan për të kaluar kontrollin e pasaportave dhe e lanë fëmijën e tyre në karrocë.

Çifti mbërriti në aeroportin e Tel Aviv të martën me pasaportat e tyre belge dhe biletat për fluturimin e Ryanair në kryeqytetin belg, por pa biletë për fëmijën e tyre.

Kur stafi i aeroportit u tha se nuk mund të hipnin pa blerë një biletë për foshnjën, ata thjesht e lanë atë në sportelin e kontrollit dhe vrapuan drejt kontrollit të pasaportave.

Videoja tronditëse që qarkullon në internet tregon momentin kur stafi i aeroportit tmerrohet kur sheh karrocën me fëmijën e braktisur.

Written by: Sasha Ndreka

Rate it

LifeStyle

Miliarderi do ta dhurojë pasurinë: Nuk dua t’i rëndoj fëmijët me pasurinë time!

Një miliarder, i cili ka arritur vetë të gjithë pasurinë, është shprehur se do të dhurojë 99 përqind të pasurisë së tij kur të ndahet nga jeta pasi mendon se do t’i “rëndonte” fëmijët me të. Dave Fishwick, 51 vjeç, nga Burnley, Angli, hapi një bankë gjatë krizës financiare të vitit 2008 dhe arriti të shumëfishojë të ardhurat e tij. Ai ka deklaruar se dëshiron që fëmijët e tij të […]

01/02/2023