Njohja e pensioneve, mblidhen ekspertët e Greqisë dhe Shqipërisë

Ministrja e Jashtme, Olta Xhaçka, ka njoftuar se është zhvilluar në Athinë mbledhja e parë e komisionit të ekspertëve Shqipëri-Greqi për çështjet e sigurimeve shoqërore.

Ministrja thekson se diskutimet teknike dhe shkëmbimi i informacioneve janë një hap tepër pozitiv në forcimin e bashkëpunimit ndërinstitucional për arritjen e marrëveshjes në fushën e pensioneve.

“Diskutimet teknike dhe shkëmbimi i informacioneve është një hap tepër pozitiv në forcimin e bashkëpunimit ndërinstitucional për arritjen e marrëveshjes në fushën e pensioneve, e cila do të materializojë parimin e mbrojtjes sociale për çdo qytetar i cili ka kontribuar aktivisht në ekonomitë e të dy vendeve tona”, njoftoi ministrja.