Pesë vjet më vonë, të dhënat u rishikuan nga New York Times, e cila flet për një rritje prej 50% edhe falë suksesit të transmetimeve. Këtë vit ka një mbretëreshë të re: ajo është 78-vjeçarja Brenda Lee, e cila me ‘Rockin’ Around the Christmas Tree’, e 1958-ës, rrëzoi Mariah Carey dhe ‘All I Want For Christmas Is You” nga froni, duke arritur majat e listave të kësaj jave Billboard Hot 100, renditja e këngëve më të dëgjuara në Shtetet e Bashkuara.

Mariah Carey nuk është e mërzitur: ylli 54-vjeçar i pop-it ngushëllon veten duke arritur majën e listës javore të këngëve më të dëgjuara në botë në Spotify me ‘All I Want for Christmas Is You’ me 48.2 milionë transmetime.

Por një pasanik i mirëfilltë i Krishtlindjes është Michael Bublé: Billboard i ka kushtuar një analizë të gjatë albumit të tij të Krishtlindjeve, tashmë në vendin e dytë, ndër më të dëgjuarit e javës në të gjithë planetin në Spotify, i cili nga viti 2011 e deri më sot ka shitur mbi 6 milionë kopje dhe ka arritur në 2 miliardë transmetime vetëm në Shtetet e Bashkuara me ‘It’s Beginning to Look a Lot like Christmas’. Në Europë, pas Mbretërisë së Bashkuar, Gjermania është vendi ku këngët e Krishtlindjes regjistrojnë shifrat më të larta në platforma. “All I Want for Christmas Is You” është dëgjuar 5.7 milionë herë në Berlin dhe është në vendin e parë në Spotify, ndërsa në Itali hiti është vetëm në vendin e 21 me 1.3 milionë klikime.