Nis takimi në Shtëpinë e Bardhë/ Presidenti Biden pret pasardhësin Trump, republikani e falënderon për tranzicionin e qetë

Presidenti në detyrë i SHBA-ve, Joe Biden ka nisur takimin me presidentin e sapozgjedhur, Donald Trump në Shtëpinë e Bardhë.

Dyshja janë takuar në Zyrën Ovale, ku Trump i tha presidentit amerikan se politika ishte e ashpër.

“Urime dhe mezi presim të kemi, siç thamë, një tranzicion të qetë. Megjithatë, ne mund të sigurohemi që të akomodoheni, çfarë ju nevojitet, dhe do të kemi një shans për të folur për disa prej tyre sot”, i tha Biden presidentit të sapozgjedhur Donald Trump.

Para takimit në Shtëpinë e Bardhë, Trump zhvilloi një takim me mbështetës republikanë në Uashington, i shoqëruar nga miliarderi dhe aleati i afërt Elon Musk.

Nga ana tjetër bashkëshortja e Trump, Melania ka refuzuar ftesën e Zonjës së Parë Jill Biden për takimin tradicional.