Neymar Jr, ende me dilema

E ardhmja e Neymar Jr mbetet një nga temat më të diskutuara në futbollin botëror, por një gjë duket e sigurt, pensionimi nuk është në planet e afërta të yllit brazilian.

34-vjeçari shmangu një përgjigje përfundimtare për të ardhmen e tij gjatë një ankandi bamirësie në Sao Paulo, duke pranuar se ende nuk ka marrë një vendim përfundimtar pasi kontrata e tij me Santos skadon në fund të këtij viti.

Megjithatë, babai dhe agjenti i tij, Neymar da Silva Santos ka qënë shumë më i qartë, teksa beson se 34-vjeçari ka potencialin për të luajtur edhe për disa sezone.

Ish-sulmuesi i Barcelonës dhe Paris Saint-Germain, u rikthye te Santos, klubi ku nisi karrierën e tij, por vitet e fundit janë shoqëruar me shumë probleme fizike.

Dëmtimet e shumta kanë ndikuar në formën dhe vazhdimësinë e tij në fushë, duke ngritur pikëpyetje për të ardhmen.

Përveç problemeve sportive, Neymar është përballur edhe me kritika jashtë fushës.

Paraqitja e tij në një turne pokeri, ndërsa Santos luante një ndeshje të Copa Sudamericana në Venezuelë, shkaktoi reagime të forta nga tifozët dhe mediat braziliane.

Ndeshja e ardhshme mund të jetë vendimtare për karrierën e tij.

Santos do të përballet me skuadrën ekuadoriane Macara në fazën e 1/8-ave të Copa Sudamericana, një sfidë që mund të ndikojë drejtpërdrejt në vendimin e Neymarit, të qëndrojë në futboll, të largohet nga Santos apo të mbyllë përfundimisht karrierën.

Pas eliminimit të Brazilit nga Kupa e Botës 2026 ndaj Norvegjisë me rezultatin 1-2, Neymar dha edhe një sinjal për fundin e aventurës së tij me kombëtaren.