Në 2024-ën ekonomia u rrit me 3.96%

Ekonomia shqiptare u rrit me 3.96 për qind në vitin 2024, një rritje e përafërt kjo me atë të vitit 2023, kur u raportua një zhvillim me 3.94 për qind.

Sipas INSTAT, kjo rritje është nxitur kryesisht nga ndërtimi me 5.86 për qind, tregtia dhe akomodimi me 5.96 për qind, kjo e ndikuar nga zhvillimi i turizmit dhe administrata publike me 9.57 për qind.

Më konkretisht sipas INSTAT bujqësia ra me 1.15 për qind dhe industria me 6.78 për qind, tkurrja më e madhe kjo që nga pandemia.

Ndërkohë sa i përket tremujorit të katërt i 2024, Produkti i Brendshëm Bruto vlerësohet me rritje 3,63 %.