Ndërron jetë Papa Françesku

Papa Françesku është ndarë nga jeta në moshën 88-vjeçare.
Lajmi është konfirmuar nga Vatikani mëngjesin e së hënës, 21 prill 2025. Ai ndërroi jetë në rezidencën e tij në Casa Santa Marta, në Vatikan.

I zgjedhur më 13 mars 2013, Papa Françesku ishte Papa i parë nga Amerika Latine dhe i pari jezuit në historinë e Kishës Katolike. Gjatë pontifikatit të tij, ai u angazhua për reformimin e Kishës, mbrojtjen e të varfërve dhe dialogun ndërfetar.

Ceremonia e varrimit do të mbahet në Bazilikën e Santa Maria Maggiore në Romë, sipas dëshirës së tij.