Moti i keq përfshin Britaninë e Madhe

Britania e Madhe është përfshirë nga moti i keq i cili ka prekur rëndë transportin rrugor dhe hekurudhor.

Disa rrugë kryesore në Anglinë veriore dhe qendrore u mbyllën gjithashtu për shkak të borës dhe përmbytjeve. Aeroporti i Mançesterit u mbyll përkohësisht për shkak të borës së madhe pas një lëvizje të ngjashme nga Aeroporti i Liverpool të dielën.

Autoritet britanike kishin paralajmëruar për dëborë dhe shira në pjesën më të madhe të Mbretërisë së Bashkuar.