Miliona tifozë në fazën e grupeve

4 milionë e 644 mijë tifozë kanë ndjekur nga afër 72 ndeshjet e fazës së grupeve të Kupës së Botës 2026, me një mesatare prej rreth 64 mijë spektatorësh për takim. Ky është Botërori i parë me 48 përfaqësuese dhe i pari që zhvillohet në 3 vende: Shtetet e Bashkuara të Amerikës, Kanada dhe Meksikë.

Sipas të dhënave të FIFA-s për 17 ditët e para të turneut, janë regjistruar edhe rekorde të tjera interesante. Në stadiumet e 16 qyteteve pritëse janë konsumuar 300 mijë hot dog. FIFA llogarit se, nëse do të vendoseshin njëri pas tjetrit, ato do të mbulonin një distancë prej rreth 45 kilometrash.