Messi udhëheq Inter Miamin drejt playoff-it

Lionel Messi vazhdon të shkëlqejë në futbollin amerikan. Pas lamtumirës me kombëtaren argjentinase, ylli 39-vjeçar konfirmon edhe një herë rëndësinë e tij te Inter Miami, duke dhënë një asist në fitoren 2-0 ndaj New York City.

Një sukses që i siguron skuadrës nga Florida kualifikimin matematikor në playoff-et e MLS-së.

Goli i dytë erdhi në fund të pjesës së parë dhe mbajti firmën e Messit. Argjentinasi tregoi gjithë vizionin e tij në lojë, duke gjetur me një pasim të saktë, Rodrigo De Paul, i cili vulosi fitoren 2-0.

Inter Miami do të rikthehet në fushë në transfertën ndaj Atlanta United, në ndeshjen e vlefshme për javën e 30-të të Konferencës Lindore.

Me pesë ndeshje ende për t’u luajtur, skuadra e Messit renditet e dyta me 52 pikë, plot 19 më shumë se New York City, që mban vendin e dhjetë dhe rrezikon të mbetet jashtë fazës vendimtare të kampionatit.

Playoff-et e MLS-së do të zhvillohen nga 18 nëntori deri më 18 dhjetor.