Maran do shuajë enigmat të shtunën

Ndeshjet debutuese në Ligën e Kombeve vijnë në një moment jo shumë të mirë për kombëtaren shqiptare.

Mbrojtja është reparti që shkakton më shumë dilema, duke parë mungesën e minutave të lojtarëve kuqezi.

Përveç listës së të ftuarve, Maran do të komentojë zgjedhjet e tij dhe të flasë për përballjet që presin kuqezinjtë, në një grup ku nisen favorit për ta fituar dhe afruar akoma dhe më shumë me fazat play-off të kualifikimit në Europianin e vitit 2028.

Shqipëria do ta nisë këtë seri ndeshjesh në shtëpi ndaj Bjellorusisë, më 26 shtator. Tre ditë më vonë, më 29 shtator, kuqezinjtë do të udhëtojnë drejt San Marinos.

Grumbullimi i skuadrës do të nisë të hënën, kur lojtarët e thirrur nga Maran do t’i bashkohen ekipit.

Po atë pasdite do të zhvillohet edhe seanca e parë stërvitore në Shtëpinë e Futbollit.

Katër sfidat e programuara për fundin e shtatorit dhe fillimin e tetorit përbëjnë një tjetër etapë të rëndësishme për Kombëtaren shqiptare, me kuqezinjtë që synojnë të vijojnë me përgatitje maksimale rrugëtimin e tyre në Ligën e Kombeve