Lufta në Lindjen e Mesme, dorëzohet drafti për armëpushimin

Një marrëveshje për armëpushimin dhe lirimin e pengjeve është shumë pranë të ndodhë, pasi një draft përfundimtar u është dorëzuar Izraelit dhe Hamasit nga ndërmjetësi Katari, për t’i dhënë fund luftës në Gaza.

Kështu ka njoftuar një zyrtar i informuar mbi negociatat për Reuters, ku një përparim u arrit në Doha pas mesnate gjatë bisedimeve midis ekipit negociator të Izraelit, të dërguarit të presidentit të zgjedhur të SHBA-së, Donald Trump për Lindjen e Mesme dhe kryeministrit të Katarit.