Lë 500 euro bakshish në restorant, kamarieri i kërkon dyfishin

Një italian shumë i pasur është ndjekur nga kamarieri i një restoranti në Saint-Tropez në rivierën franceze, pasi la një bakshish prej 500 eurosh. Kjo shifër nuk u gjykua e kënaqshme dhe kamarieri e arriti atë në  parkingun e restorantit dhe i kërkoi edhe 500 euro të tjera për të kapur shifrën e 1 mijë eurove bakshish.

Sipas një investigimi të fundit gazetaresk të botuar në “Nice Matin”, në zonat më të njohura të rivierës franceze, është zakon të mos rezervohet një tryezë për klientët që konsiderohen jo të pasur ose bujarë mjaftueshëm. Në momentin e rezervimit, restoranti kontrollonte nëse emri gjendet në arkivin e klientit dhe cilat janë zakonet e tij të konsumit: çfarë porositi, sa shpenzoi dhe çfarë bakshishi la. Me pak fjalë, një skanim i vërtetë, denoncon gazeta franceze. Po sikur emri yt të mos shfaqet? Një burim tregon: “Të thonë që restoranti është plot deri në fund të gushtit. Në rastin më të mirë do të drejtohesh në restorante të tjera më të përshtatshme për portofolin”.