Kombëtarja U-21, miqësore me Ukrainë në Hungari

Kombëtarja U-21 vijon përgatitjet për Kampionatin Europian U-21, “EURO 2027”, teksa Federata Shqiptare e Futbollit ka arritur akordin me Federatën Ukrainase të Futbollit për zhvillimin e një ndeshjeje miqësore.

Shqipëria U-21 do të përballet me Ukrainën U-21 më 5 tetor 2026, në Debrecen të Hungarisë. Orari i takimit do të përcaktohet dhe bëhet i ditur në një moment të dytë.

Për skuadrën kuqezi, përballja me Ukrainën do të jetë një tjetër mundësi e rëndësishme për të testuar grupin dhe për të vijuar punën në funksion të një prej eventeve më të rëndësishme të futbollit europian për moshat.