Kina kthen avionët Boeing në SHBA

Autoritetet kineze kanë kthyer mbrapsht avionët që ishin porositur në SHBA.

Shefi ekzekutiv i Boeing, Kelly Ortberg tha se dy avionë tashmë ishin kthyer dhe një tjetër do të pasonte pas përshkallëzimit të tensioneve tregtare midis dy vendeve.

SHBA vendosi tarifa 145% për importet nga Kina, ndërsa kjo e fundit u kundërpërgjigj me një taksë 125% për produktet amerikane.

Duke folur në Zyrën Ovale të martën, Presidneti amerikan Donald Trump tha se ishte optimist për përmirësimin e marrëdhënieve tregtare me Kinën, duke thënë se niveli i tarifave që ai kishte vendosur do të ulej ndjeshëm, por nuk do të ishte zero.