Kim dhe Kanye u bënë bashkë PËR HIR të fëmijëve dhe u duk qartë!

Kim Kardashian dhe Kanye West kanë një marrëdhënie të ndërlikuar si ish-çift kur bëhet fjalë për të ndarë momentet e rëndësishme të fëmijëve të tyre. Kjo u duk qartë këtë të premten, kur të dy morën pjesë, në ndeshjen e basketbollit të djalit të tyre Saint. Ishte e qartë se Kim dhe Kanye nuk po kalojnë kohë të mirë së bashku.

Kanye mbërriti i vetëm, ndërsa Kim mbërriti me vajzën e saj Chicago. Gjatë lojës, një paparac i fotografoi në momente të ndryshme, duke përfshirë një ndërveprim të shkurtër dhe të sikletshëm, në të cilin Kim iu drejtua Kanye-t, megjithëse nuk dihet se për çfarë kanë biseduar.

Imazhet konfirmuan se të dy nuk duan të jenë shumë afër, pasi edhe pse ishin ulur në të njëjtin rresht, qëndruan disa vende larg njëri-tjetrit.