Kaosi në FIFA, jep dorëheqjen këshilltari i Infantinos

Këshilltari kryesor i Gianni Infantinos, Carlo Cordeiro, ka dhënë dorëheqjen nga detyra e tij në FIFA.

Vendimi i tij vjen pas reagimeve të ashpra nga UEFA dhe konfederata aziatike kundër projektit për futjen e kapitalit privat në Kupën e Botës. 70-vjeçari, i cili më parë ka drejtuar Federatën Amerikane të Futbollit, shërbeu gjithashtu si pjesë e grupit të punës së Shtëpisë së Bardhë për Botërorin 2026.

Ai u shpreh se shitja e të drejtave tregtare te kompani private dëmton drejtpërdrejt të ardhmen e futbollit dhe federatave anëtare. Sipas tij, një lëvizje e tillë është tërësisht e gabuar për ecurinë afatgjatë të këtij sporti.

“Unë nuk kisha asnjë rol në këtë propozim dhe e kundërshtoj kategorikisht. Plani për të investuar kapital privat në një degë që do të menaxhonte të drejtat komerciale për Kupën e Botës është i keq për federatat anëtare të FIFA-s , i keq për futbollin dhe i keq për të ardhmen afatgjatë të sportit”, tha ai.

Dorëheqja e Cordeiros shton akoma më shumë presionin mbi drejtuesit e FIFA-s në lidhje me këtë projekt.