Interi fiton zyrtarisht titullin kampion në Itali, festë zikaltër në Milano

Interi është shpallur zyrtarisht kampion i Italisë për sezonin 2025-2026, duke siguruar titullin tre javë përpara përfundimit të Serisë A.

Skuadra e drejtuar nga Cristian Chivu mposhti Parmën me rezultatin 2-0 në javën e 35-të, duke krijuar një distancë prej 12 pikësh me Napolin e vendit të dytë.

Me këtë sukses, zikaltërit arritën në kuotën e 82 pikëve, duke siguruar kështu trofeun e 21-të kampion në historinë e klubit.

Ky është titulli i parë për trajnerin Chivu në sezonin e tij debutues, në një vit ku Interi ka dominuar plotësisht kampionatin.

Përveç titullit, ekipi zikaltër ka siguruar edhe finalen e Kupës së Italisë, ku do të diskutojë trofeun përballë Lazios.