play_arrow

keyboard_arrow_right

Listeners:

Top listeners:

skip_previous skip_next
00:00 00:00
playlist_play chevron_left
volume_up
  • cover play_arrow

    LIVE CLUB FM SHQIPËRI

  • cover play_arrow

    LIVE CLUB FM KOSOVË KOSOVË

  • cover play_arrow

    LIVE RADIO SHQIP DËGJO SHQIP

  • cover play_arrow

    LIVE SHQIP POPULLORE Vëtëm Këngë Popullore

  • cover play_arrow

    LIVE CLUB BAR

  • cover play_arrow

    LIVE CLUB BAR BIT

Bota

Gruaja e ambasadorit rus ‘ndez’ përplasje diplomatike në Australi, braktiset klubi i grave

today16/11/2026

Background
share close

Klubi Ndërkombëtar i Grave në Canberra, i krijuar për të bashkuar gra nga kultura dhe kombësi të ndryshme, është përfshirë në një përplasje diplomatike për shkak të luftës në Ukrainë.

Konflikti nisi pas vendimit për të pranuar si anëtare bashkëshorten e ambasadorit rus në Australi, Irina Petrakova, pavarësisht kundërshtimit të bashkëshortes së ambasadorit ukrainas, Liana Myroshnychenko. Kjo e fundit kërkoi që pranimi i saj të shtyhej të paktën deri në përfundimin e luftës, duke argumentuar se nuk bëhej fjalë thjesht për një grua me origjinë ruse, por për bashkëshorten e përfaqësuesit të një shteti që po shkatërron vendin dhe jetën e popullit të saj.

Në këto kushte, bashkëshortja e ambasadorit rus u pranua si anëtare. Vendimi shkaktoi pakënaqësi, e cila u thellua në nëntor, kur Liana Myroshnychenko vendosi të largohej nga klubi përmes një letre drejtuar drejtuesve dhe anëtareve të tij. Bashkë me të u larguan edhe bashkëshortet e ambasadorëve të Italisë dhe Estonisë, siç raportoi fillimisht gazeta Politico.

Çështja kaloi përtej një mosmarrëveshjeje mes anëtareve të klubit dhe mori përmasa diplomatike. Ambasadori ukrainas në Australi, Vasyl Myroshnychenko, u shpreh i tronditur nga qëndrimi i presidentes, duke theksuar se shmangia e bashkëshortes së ambasadorit rus është çështje ndërgjegjeje, dinjiteti dhe solidariteti me Ukrainën.

Nga ana tjetër, ambasadori rus Mikhail Petrakov pretendoi se protesta ka prapavijë politike dhe lidhet edhe me negociatat e paqes që po zhvillohen në Abu Dhabi. Ai akuzoi Kievin se po ushtron presion ndaj institucioneve australiane dhe po nxit rusofobinë, ndërsa mbrojti pranimin e bashkëshortes së tij, duke argumentuar se ishte bërë në përputhje me rregullat e klubit dhe ligjet australiane.

Written by: Sasha Ndreka

Post comments (0)

Leave a reply

Your email address will not be published. Required fields are marked *