Fotot e Cara Delevingne pa këpucë dhe me një sjellje të çrregullt në aeroport shqetësojnë fansat

Fansat janë të shqetësuar për Cara Delevingne pasi ajo kishte një sjellje të çrregullt gjatë rrugës për në aeroportin Van Nuys në Los Angeles të hënën.

Modelja 30-vjeçare u fotografua gjatë rrugës për në aeroport në sediljen e pasme të një Chevy Suburban, me këmbë të varura nga dritarja ndërsa shoferi i saj kalonte nëpër trafikun e LA. Pasi u raportua se u shfaq dy orë me vonesë për fluturimin e saj në aeroplanin privat të Jay-Z, modelja – e cila kishte veshur një bluzë të Britney Spears, tuta të zeza me shirita jeshilë, të verdhë dhe të kuq, çorape të verdha dhe pa këpucë – mori rrugën për në avion me qenin e saj, Alfiie.

Dy burra të paidentifikuar me këmisha me vija ishin gjithashtu në bordin e avionit, raporton Daily Mail.

Megjithatë, duket se ka pasur një ndryshim të planeve, pasi Delevingne dhe qeni i saj zbritën nga avioni pas rreth 45 minutash. Mbetet e paqartë nëse asaj iu kërkua të largohej apo jo. Pasi u kthye në pistë, Delevingne u shfaq shumë e shqetësuar teksa i ra disa herë celulari nga dora teksa fliste me të.

Pasi një anëtar i stafit të Delevingne foli me stafin e aeroportit, çantat e modeles u hoqën nga avioni dhe u vendosën përsëri në makinën në të cilën ajo mbërriti. Më pas ajo u largua.

Fotot e yllit i lanë fansat të hutuar dhe shumë të shqetësuar për të.