play_arrow

keyboard_arrow_right

Listeners:

Top listeners:

skip_previous play_arrow skip_next
00:00 00:00
playlist_play chevron_left
volume_up
chevron_left
  • cover play_arrow

    LIVE CLUB FM SHQIPËRI

  • cover play_arrow

    LIVE CLUB FM KOSOVË KOSOVË

  • cover play_arrow

    LIVE RADIO SHQIP DËGJO SHQIP

Interesante

Foto: Qytetet e Evropës shkëlqejnë për sezonin e Krishtlindjes

today20/12/2023

Background
share close

Rrugët dhe sheshet e Vjenës janë ndriçuar për sezonin e Krishtlindjes me drita vezulluese duke i dhuruar kryeqytetit austriak atmosferë veçanërisht festive gjatë festave të fundvitit. Një bredh i madh, i zbukuar në mënyrë festive hijeshon qendrën e Pragës – edhe pse tradicionalisht, pemët nuk zbukurohen deri në mëngjesin e vigjiljes së Krishtlindjeve.

Tregje të ndryshme të Krishtlindjeve mbulojnë qytetin duke ftuar klientët të provojnë për shembull ‘trdelník’, një pastë të mbuluar me sheqer pluhur.

Parku me famë botërore i Kopenhagen “Tivoli Gardens” tërheq vizitorë nga e gjithë bota në çdo kohë të vitit. Megjithatë atmosfera është më speciale rreth Krishtlindjeve, pasi i gjithë parku është i zbukurar për festat dhe i mbushur me drita. Babagjyshi dhe drerët e tij bëjnë gjithashtu një vizitë në tregun e madh të Krishtlindjeve.

Majorka, ishulli më i preferuar mesdhetar për pushuesit gjermanë, mbulohet me shkëlqimin e Krishtlindjeve. Një nga pikat kryesore është pema e Krishtlindjeve 27 metra e lartë përpara Katedrales në Palma. Rreth 4.200 elementë ndriçimi dhe mbi 415 kilometra kordele me drita ndriçojnë kryeqytetin e ishullit.

Çdo vit, qindra tezga dhe drita të panumërta e bëjnë Bazelin një nga qytetet më të bukura të Krishtlindjeve në Evropë. Qendra piktoreske e qytetit të vjetër, duke përfshirë ‘Barfüsserplat’, shkëlqen në zbukurimet festive. Shumë tezga të tregut të Krishtlindjeve tërheqin turistët dhe vendasit për të blerë dhurata të bukura.

Rrugicat piktoreske të qendrës historike të Stokholmit, si në Osterlanggatan në lagjen Gamla Stan, ndriçohen nga dekori festiv gjatë mbrëmjeve të ftohta të dimrit rreth Krishtlindjeve. Në tregun tradicional në muzeun e hapur Skansen, vizitorët mund të bëjnë vetë qirinj ose të qetësohen me një gotë verë me erëza të quajtur ‘glögg’ dhe biskota xhenxhefili.

Nën pemën e zbukuruar të Krishtlindjes në sheshin e tregut të Katovicës vizitorët zhyten në atmosferën festive. Shilarëset apo lojërat e tjera, si rrota e Ferrisit dhe sheshi i patinazhit në akull kënaqin si të rinjtë dhe të moshuarit. Ata që ende kanë nevojë të blejnë dhurata, me siguri do të gjejnë diçka të përshtatshme në tezgat e panumërta, ku shiten zbukurime për Krishtlindje, punime artizanale dhe specialitete kulinarie.

Kryeqyteti belg bëhet një vend i mrekullueshëm gjatë dimrit kur “Grand Place” dhe sheshet e tjera të qytetit organizojnë tregjet e Krishtlindjeve. Disa qindra shtëpiza të vogla prej druri dhe mijëra drita krijojnë një mjedis festiv. Dhe nëse doni t‘i shpëtoni stresit dhe nxitimit gjatë ditëve të fundvitit për disa minuta, mund të hipni në karuzelin e Ferrisit.

Çdo vit një bredh norvegjez i Krishtlindjes shkëlqen në sheshin Trafalgar në Londër. Bredhi është dhuratë nga qyteti i Oslos në shenjë mirënjohjeje për mbështetjen britanike gjatë okupimit nga Gjermania naziste në Luftën e Dytë Botërore. Por për shumicën e kalimtarëve ai është thjesht një nga shumë pikat e zbukuruara bukur për Krishtlindje në kryeqytetin britanik.

Ndoshta asnjë vend tjetër nuk e ndjell Krishtlindjen ashtu si Rovaniemi me borë në Finlandë, i njohur si Fshati i Babagjyshit.

Turistët mund të kalojnë Rrethin Arktik, i cili përshkon fshatin dhe është i shënuar me fenerë. Thuhet gjithashtu se fenerët e ndihmojnë Babagjyshin të gjejë përsëri rrugën e kthimit në shtëpi.

Written by: Sasha Ndreka

Rate it

Post comments (0)

Leave a reply

Your email address will not be published. Required fields are marked *