David dhe Victoria Beckham tërhoqën vëmendjen gjatë ndeshjes mes Anglisë dhe Norvegjisë. Çifti ndoqi ndeshjen nga tribunat së bashku me tre nga katër fëmijët e tyre, për të mbështetur nga afër kombëtaren angleze.

Kamerat televizive i filmuan teksa këndonin himnin kombëtar të Anglisë pak çaste përpara fillimit të ndeshjes.

Pas kualifikimit të Anglisë në fazën tjetër të Kupës së Botës, David Beckham ndau emocionet e tij përmes një postimi në Instagram. Duke publikuar një foto ku shfaqet së bashku me familjen duke festuar në tribunë, ai shkroi:

“Çfarë momenti i jashtëzakonshëm në Miami! Jam jashtëzakonisht krenar për ekipin që sonte siguroi një vend në gjysmëfinalet e Kupës së Botës. Fakti që e përjetova këtë moment së bashku me familjen time e bëri edhe më të veçantë. Faleminderit, Angli, që i dhuron vendit tonë emocione të tilla.”

Edhe Victoria Beckham publikoi të njëjtën fotografi në llogarinë e saj në Instagram, duke e shoqëruar me mbishkrimin:

“Një mbrëmje e veçantë në Miami, së bashku me familjen time, duke festuar për vendin tonë.”