Enzo Fernandez drejt City-t, Chelsea ka gati zëvendësuesin

Transferimi i mundshëm i Enzo Fernandez te Manchester City për një shifër mbi 140 milionë euro ka nxitur një efekt domino në merkato, duke vënë në lëvizje Chelsea-n.

Klubi londinez ka përshpejtuar bisedimet për të siguruar shërbimet e Lamine Camara, mesfushorit senegalez që luan te Monaco.

Përveç Chelsea-t, për talentin senegalez kanë shfaqur interesim edhe Liverpool me Crystal Palace, por pa bërë hapa konkretë. Përfaqësuesit e të dyja klubeve dhe rrethit të lojtarit ndodhen aktualisht në Monako, ku një marrëveshje mund të arrihet brenda 48 orëve të ardhshme.