Elena Sadiku, në elitën e futbollit të femrave

Një shqiptare është ngjitur në elitën e futbollit botëror.

Elena Sadiku është nominuar për çmimin “Trajnerja e Vitit 2026”, një prej vlerësimeve më prestigjioze që do të ndahet në ceremoninë e Topit të Artë, më 26 tetor në Angli.

Në garë me të janë 4 trajner meshkuji te cilet drejton ekipet e femrave te Lionit,  Manchester Cityt, Japonisë dhe Barcelonës.

Në janar të vitit 2024, Shqiptarja nga Kosova mori drejtimin e Celtic dhe shkroi historinë me klubin skocez, duke e udhëhequr drejt titullit të parë kampion në Skoci.

Në dhjetor të vitit 2025, ajo kaloi te skuadra suedeze BK Häcken, ku ndikimi i saj ishte i menjëhershëm.

Në vitin 2026, nën drejtimin e Sadikut, Häcken fitoi Kupën Evropiane të Femrave të UEFA-s, duke siguruar trofeun e parë ndërkombëtar në historinë e klubit.

Ndërkohë, është bërë e ditur edhe lista e kandidatëve për çmimin e trajnerit më të mirë në futbollin e meshkujve.

Në garë janë Mikel Arteta i Arsenalit, Luis Enrique i Paris Saint-Germain, Luis de la Fuente i Spanjës, Unai Emery i Aston Villas dhe Vincent Kompany i Bayern Munichut.

Tashmë, gjithçka mbetet për t’u vendosur më 26 tetor.