Durrësi pret kampionatin evropian të peshëngritjes për të rinj dhe U-23

Durrësi është kthyer në pikën e takimit të peshëngritjes evropiane.

Mbi 700 sportistë nga 40 shtete janë mbledhur në qytetin bregdetar për Kampionatin Evropian të Peshëngritjes për të rinj dhe U-23, i cili do të vijojë deri më 19 tetor.

Objektivi i ekipit shqiptar është fitimi i 12 medaljeve, me Shqipërinë që synon të marrë përsipër edhe organizimin e një kampionati botëror për këto grupmosha.

Përgjatë ditëve në vijim, gara do të përcaktojë fituesit e medaljeve, ndërsa për sportistët e rinj ky është një rast për të treguar nivelin e tyre dhe për të hedhur hapa të mëtejshëm në karrierën ndërkombëtare.