Kape radion!

Do drejtojë Gjermaninë 4 vitet e ardhshme, Qeveria e re mund të quhet “Koalicioni Shqiptar”. Ja arsyeja pse

25/02/2025

Koalicioni që do të drejtojë qeverinë e re në Gjermani pas zgjedhjeve, mund të quhet “Koalicioni Shqiptar”. Agjencia gjermane e lajmeve Deutsche Presse-Agentur raporton se koalicioni i ri i pritshëm që do të formohet mes unionit konservator CDU/CSU dhe Partisë Socialdemokrate (SPD) nuk do të cilësohet më si një “koalicion i madh”, ose GroKo, siç njihej gjatë viteve të Angela Merkel.

Kjo pasi këto dy parti nuk janë më forcat më të mëdha në Bundestagun e ri, pasi partia e ekstremit të djathtë Alternativa për Gjermaninë (AfD) tani është e dyta më e madhe, duke e kaluar SPD-në, pas zgjedhjeve të së dielës.

Bashkë me bisedimet për krijimin e koalicionit, ka nisur kërkimi për një emër të ri. Duke ndjekur një traditë disi të pazakontë të emërtimit të koalicioneve në Gjermani, sipas flamujve të vendeve të tjera, ndër sugjerimet e para ishin “Koalicioni Shqiptar” ose “Koalicioni Angolan” (ngjyrat e dy partive janë e zeza dhe e kuqja, ndonëse në të dyja rastet flamujt përmbajnë edhe elementë shtesë).

Por disa kanë propozuar edhe një emër më të çuditshëm: “Koalicioni Coke Zero” – “Shije e vërtetë dhe zero kalori.

Sado argëtues të jetë ky debat për gjermanët online, gjetja e një pseudonimi joformal për koalicionin e ri ndoshta do të jetë problemi më i vogël i dy forvave politike.

Me grupet parlamentare që takohen për herë të parë pas zgjedhjeve këtë të martë, ka nisur numërimi mbrapsht deri në Pashkë, kur kancelari i ardhshëm Friedrich Merz ka deklaruar se dëshiron të ketë qeverinë të kompletuar.

Written by: Sasha Ndreka