Djali i Carlo Ancelottit rikthehet në Europë, do të drejtojë në Champions

Davide Ancelotti është trajneri i ri i skuadrës së Lille. Klubi francez ka zyrtarizuar marrëveshjen përmes një komunikate në faqen zyrtare, duke njoftuar nënshkrimin e një kontrate dyvjeçare me teknikun italian.

Për djalin e Carlo Ancelottit, ky post në moshën 36-vjeçare përfaqëson një hap të rëndësishëm në karrierën e tij si trajner i parë, pas eksperiencës së kaluar në krye të Botafogos.

Përveç rolit të ri në Francë, ai do të vijojë paralelisht angazhimin e tij në stafin teknik të kombëtares së Brazilit. Davide do të jetë pjesë e “Seleçaos” për Botërorin 2026, duke ndihmuar babai e tij, Carlo Ancelotti, në objektivin për të fituar titullin e gjashtë kampion bote.