Dënimi për Manchester City-n, Premier League në dilemë

Manchester City rrezikon shumë pas akuzave për shkelje financiare, ndërsa Premier League po përgatit dënimin.

Klubi është shpallur fajtor për pjesën më të madhe të akuzave, ndërsa tani duhet të përcaktohen masat për çdo shkelje.

Një zbritje shumë e madhe pikësh mund të çojë në rënien e Manchester Cityt nga Premier League, me pasoja të mundshme edhe për klubin dhe vetë kampionatin.

City është prej vitesh një prej klubeve kryesore të kampionatit anglez dhe largimi i tij nga elita do të ndryshonte edhe strukturën e garës. Në të njëjtën kohë, ekziston edhe mundësia që një dënim i rëndë të ndikojë në të ardhmen e disa prej lojtarëve më të njohur të klubit.

Në një situatë ku City do të detyrohej të largohej nga Premier League, disa prej yjeve të skuadrës mund të shqyrtonin largimin. Kjo do të sillte ndryshime të rëndësishme në përbërjen e klubit dhe do të kishte ndikim edhe në profilin sportiv të kampionatit.

Nëse City përjashtohet nga Premier League, mbetet e paqartë nëse Federata do e pranonte klubin në Championship. Komiteti do të dëgjojë të gjitha palët gjatë javëve të ardhshme dhe Premier League do të paraqesë propozimin e saj për dënimin.

Vendimi përfundimtar do të merret nga një panel me tre anëtarë pas dëgjimit të argumenteve të të gjitha palëve.