Daddy Yankee tërhiqet nga industria e muzikës

Daddy Yankee, një nga emrat më të mëdhenj të reggaeton, njoftoi të dielën se do të tërhiqet pas 32 vitesh në industrinë e muzikës.

“Kjo garë, e cila ka qenë një maratonë, më në fund sheh vijën e finishit. Tani, unë do të shijoj atë që të gjithë ju më keni dhënë”, tha këngëtari në një video të postuar në YouTube .

Ai do t’u japë lamtumirën fansave të tij me një turne dhe album të fundit, “Legendaddy”, që do të dalë më 24 mars.

Trashëgimia e Daddy Yankee

“Gasolina”, një nga këngët më të njohura të këngëtarit, doli në vitin 2004 dhe shpesh vlerësohet për prezantimin e reggaeton në një audiencë ndërkombëtare.

Në karrierën e tij të gjerë, Daddy Yankee shiti më shumë se 30 milionë disqe.

Në vitin 2017, Yankee bashkëpunoi me portorikanin Luis Fonsi në “Despacito”, një këngë rekord që u ankorua në krye të Billboard’s Hot 100 për 16 javë. Është gjithashtu videoja e dytë më e transmetuar e të gjitha kohërave në YouTube.