Champions League, Arsenal dhe Atletico Madrid synojnë finalen e madhe

Mbrëmjen e të martës, do të luhet sfida e kthimit mes Arsenal dhe Atletico Madrid, në gjysmëfinalen e Ligës së Kampioneve.

Pas barazimit 1-1 në Madrid, ky duel do të vendosë edhe finalisten e parë të kompeticionit. Arsenali kërkon finalen, pas 20 vitesh pritje.

Në krahun tjetër, Atletico vjen pas fitores me Valencian në kampionat dhe synon kualifikimin në finale, që mungon nga viti 2016.

Madrilenëve iu duhet një fitore në transfertë, ndonëse këtë sezon, gjatë fazës së ligës, u mposhtën thellë aty.

Ndeshja Arsenal-Atletico Madrid, do të luhet mbrëmjen e së martës, duke nisur nga ora 21:00.