Bisedimet Rusi-SHBA, zbardhen kërkesat e Moskës për t’i dhënë fund luftës në Ukrainë

Zyrtarët amerikanë dhe rusë janë takuar në Arabinë Saudite për bisedime për t’i dhënë fund luftës në Ukrainë, duke e lënë Kievin jashtë kësaj.

Ndërsa bisedimet janë cilësuar si “eksploruese” nga të dyja palët, tashmë është e qartë se Moska po këmbëngul në kushte që do të jenë të papranueshme për Ukrainën dhe aleatët e saj.

Ukraina do të lëshojë më shumë territor: Nebenzya i tha Këshillit të Sigurimit të OKB-së se pjesë të territorit të Ukrainës, duke përfshirë Krimenë dhe katër rajone të tjera, janë humbur në mënyrë të pakthyeshme.

Ai pretendoi se të ashtuquajturat Republika Popullore të Donetsk dhe Luhansk, si dhe rajonet Kherson dhe Zaporizhzhia, i janë bashkuar Federatës Ruse. Ai i referohej referendumeve që u mbajtën nga autoritetet e instaluara nga Rusia në zonat e pushtuara, të denoncuara gjerësisht si falsifikime nga Ukraina dhe aleatët e saj perëndimorë.

Largimi i Zelensky: Nebenzya gjithashtu e bëri të qartë se Rusia dëshiron të detyrojë Presidentin e Ukrainës Volodymyr Zelensky të largohet nga detyra. Ambasadori rus e quajti Zelenskyn presidentin e vetëshpallur ukrainas dhe iu referua qeverisë së tij si kabali i Zelensky, duke thënë se asnjëri nuk ka një rol për të luajtur në Ukrainën e re.

Ukraina “Neutrale”: Nebenzya tha gjithashtu se Ukraina duhet të jetë një shtet i çmilitarizuar, neutral, jo pjesë e ndonjë blloku apo aleance.