Bisedime të vështira për paqen në Arabinë Saudite

Në Arabinë Saudite mbahen sot bisedimet midis ekipit të presidentit ukrainas dhe zyrtarëve amerikanë për përfundimin e luftës me Rusinë në një moment gjithnjë e më të pasigurt për Kievin.

Ukraina pritet të propozojë një armëpushim ajror dhe detar me Rusinë gjatë negociatave në Jeddah, por më parë Rusia ka hedhur poshtë idenë e një armëpushimi të përkohshëm.

Ndër çështjet që do të diskutohen në Arabinë Saudite janë edhe protokollet e sigurisë për ukrainasit dhe çështjet territoriale. Nga këto bisedime Uashingtoni pret që të bëhet “përparim thelbësor” me Ukrainën në mënyrë që të rifillojë ndihma ushtarake dhe ndarja e informacionit të zbulimit.