Bastiset banesa dhe ndalohet kryeredaktori i Novaya Gazeta në Rusi

Banesa e Sergei Sokolovit, kryeredaktorit të gazetës ruse Novaya Gazeta, është bastisur nga autoritetet, ndërsa gazetari po dërgohet në Komitetin Hetimor për t’u marrë në pyetje.

Lajmi është bërë i ditur nga vetë redaksia e gazetës, e cila ka njoftuar se ka humbur kontaktet me Sokolovin rreth orës 12:15, sipas orës lokale të Moskës. Sipas njoftimit të publikuar në kanalin e gazetës në Telegram, telefonat e gazetarit rezultojnë të fikur.

Deri më tani, nuk janë bërë të ditura detaje të tjera mbi arsyet e sakta të bastisjes dhe marrjes në pyetje të kryeredaktorit.