Asnjë kamera sigurie! Pika ‘e verbër’ që shfrytëzuan grabitësit e Luvrit

Ballkoni i katit të dytë nga ku hynë grabitësit e Luvrit nuk kishte kamera sigurie, tha drejtoresha e muzeut para një komisioni të Senatit francez.

Sipas CNN, Laurence des Cars u tha senatorëve se ballkoni lindor i Galerisë Apollo nga ku grabitësit hynë në muze ditën e diel duke përdorur një gur fresibël, nuk ishte mbuluar nga sistemi i vjetër i kamerave të sigurisë.

Katër ditë pas grabitjes së bizhuterive me vlerë mbi 100 milionë dollarë, hetuesit nuk kanë identifikuar ende asnjë të dyshuar, ndërsa ekspertët paralajmërojnë se me gjasë bizhuteritë do të ndahen dhe artifaktet do të shkatërrohen.

Lehtësia me të cilën grabitësit hynë në muze në mes të ditës duke përdorur një shkallë të ngjitur pas murit, ka çuditur vendin dhe ka ngritur pyetje për cenueshmërinë e muzeve nga kriminelët që po ndjekin strategji të reja.

Des Cars tha se “infrastruktura teknike plotësisht e vjetër, madje e munguar” për të monitoruar thesaret më të vlefshme të vendit ishte një “vëzhgim i tmerrshëm” për muzeun më të madh të vendit. Ajo i paraqiti dorëheqjen ministres së Kulturës, Rachida Dati, por iu refuzua.

Drejtoresha, e cila e mban këtë detyrë prej vitit 2021, tha se pika e dobët e muzeut ndodhet në mbrojtjen e perimetrit, që sipas saj është pasojë e “investimit të pamjaftueshëm kronik në pajisje dhe infrastrukturë.”

Rinovimi i fundit i Luvrit ndodhi në vitet 1980 kur ish-presidenti François Mitterrand i kërkoi arkitektit I. M. Pei që të krijonte një hyrje për ndërtesën historike.

Piramida e xhamit që tani formon hyrjen e muzeut u hap në vitin 1989 duke i vendosur një fasadë të re një institucioni të vjetër dhe të famshëm për kryeveprat e botës.

Des Cars tha se projekti i rinovimit mund të ketë krijuar iluzionin se muzeu është plotësisht moderne.

“Ky projekt i madh modernizimi tashmë është 40-vjeçar, me pajisje që janë vjetëruar dhe janë në fund të ciklit të tyre”, përfundoi ajo.