Termometri në formë kapsule

Termometri për matjen e temperaturës së trupit shumë shpejt mund të jetë sa një kapsulë e vogël që gëlltitet.

Shpikja e fundit e një grupi kërkuesish të MIT bën që kjo pajisje teknologjike e vogël të jetë në gjendje të monitorojë vazhdimisht temperaturën në brendësi të traktit gastrointestinal dhe të transmetojë të dhënat në modalitet wireless.

Në testet e laboratorëve pajisja ka funksionuar 30 ditë në organizëm dhe më pas është eliminuar nëpërmjet jashtëqitjes. Sipas ekipit kërkimor, shumë shpejt ndoshta kjo teknologji do të zëvendësojë termometrat tradicionalë.