Karol G triumfon në AMA 2026 me dy çmime të rëndësishme

Karol G ishte një nga emrat më të spikatur të mbrëmjes në American Music Awards 2026, ku u nderua me çmimin prestigjioz “International Artist Award of Excellence”, duke hyrë në histori si artistja e parë që merr këtë vlerësim që prej vitit 2009, kur çmimi iu dha legjendares Whitney Houston.

Këngëtarja kolumbiane emocionoi publikun gjatë fjalimit të saj të pranimit, teksa falënderoi fansat dhe tregoi se muzika i ka dhënë kuptim jetës së saj. “Kam gjetur qëllimin tim përmes muzikës”, u shpreh artistja, duke shtuar se këngët e saj janë kthyer në një zë dhe vend sigurie për shumë njerëz në mbarë botën.

Çmimin ia dorëzoi John Legend, ndërsa pak minuta më vonë ai zbuloi se Karol G kishte fituar edhe çmimin për “Albumin më të Mirë Latin” me projektin “Tropicoqueta”. Artistja reagoi me entuziazëm të madh, duke festuar suksesin e dyfishtë në skenën e AMA-ve.

Gjatë ceremonisë, Karol G interpretoi edhe këngën “Ivonny Bonita”, pjesë e albumit fitues. Organizatorët e eventit vlerësuan ndikimin global të artistes në muzikë dhe kulturë, duke theksuar se ajo ka ndihmuar në ngritjen e muzikës latine në nivele të reja ndërkombëtare.

Së fundmi, Karol G bëri histori edhe në festivalin Coachella, duke u bërë gruaja e parë latine që mban statusin e headliner-it në festivalin e famshëm amerikan.