Finalet e Euro U-21 2027/ FSHF miraton investimet në stadiumet “Air Albania” & “Arena e Demave”

Në kuadër të përgatitjeve për finalet e Europianit U-21 2027 që do të zhvillohet në Shqipëri, do të ketë ndërhyrje në infrastrukturën sportive.

Vendimi u mor nga Komiteti Ekzekutiv i Federatës Shqiptare të Futbollit me qëllim përmbushjen e standarteve më të larta të kërkuara nga UEFA për organizimin e ndeshjeve ndërkombëtare dhe finaleve të këtij kompeticioni.

Komiteti Ekzekutiv miratoi projektin e paraqitur nga klubi i Partizanit që parashikon zëvendësimin e tapetit ekzistues si dhe ndërtimin e dy fushave të reja stërvitore.

Gjithashtu një prej dy fushave të reja në kompleksin “Partizani” do jetë me bar natyral.

Këto investime shihen si me rëndësi të madhe në përmbushjen e standarteve ndërkombëtare si dhe për organizimin me sukses të finaleve të Europianit U-21 2027.

Punimet pritet të nisin së shpejti, me objektivin për përfundimin në kohë dhe në përputhje të plotë me kërkesat e UEFA-s.