Barcelona tjetër ankesë në UEFA: Arbitri dhe VAR-i ishin një turp

Presidenti i Barcelonës, Joan Laporta ka kritikuar ashpër vendimet e arbitrave në ndeshjet çerekfinale të Champions League ndaj Atletico Madrid dhe ka thënë se katalanasit do bëjnë ankesë të re në UEFA.

Numri një i Barçës i quajti performancat e arbitrave dhe të VAR-it në të dyja sfidat si të turpshme.

Ajo çfarë na kanë bërë neve është e patolerueshme. Në ndeshjen e parë dhanë një penallti kundër nesh dhe nxorën një lojtar me karton të kuq, ndërkohë që duhej dhënë vetëm karton i verdhë sepse Guilano nuk e kishte kontrollin e topit. Kartoni i kuq na dëmtoi shumë”, tha presidenti i Barcelonës teksa njoftoi se do bëjë një tjetër ankesë në FIFA.

Javën e kaluar, pas çerekfinales së parë të Championist të luajtur në “Camp Nou”, katalanasit dërguan një ankesë në UEFA, por që nuk u mor parasysh.

“Ka një seri vendimesh të arbitrave që na kanë dëmtuar. Në sfidën e kthimit, Eric Garcia nuk ishte lojtari i fundit pasi aty ishte edhe Kounde.

Arbitri dha një karton të verdhë ndërsa VAR-i e ktheu vendimin. Goli i Ferranit ishte i saktë dhe ndërhyrja ndaj Olmos ishte penallti.

Gjitashtu ndërhyrja ndaj Fermin ishte e patolerueshme pasi e gjakosi atë. Asnjë karton nuk u dha dhe kjo është e papranueshme”, tha Laporta.

Në ndeshjen e parë çerekfinale, Bacelona bëri një ankesë në UEFA për prekjen me dorë të topit nga ana e lojtarit të Atleticos, Pubill e cila nuk u mor parasysh nga UEFA.