Zelensky: Bisedimet Ukrainë-Rusi-SHBA pritet të rifillojnë javën e ardhshme për çështjet territoriale

Presidenti ukrainas, Volodymyr Zelensky, njoftoi se bisedimet trepalëshe me Shtetet e Bashkuara dhe Rusinë do të rifillojnë “javën e ardhshme”, duke u fokusuar kryesisht te çështjet e nxehta lidhur me lëshimet territoriale që kërkon Moska.

Zelensky sqaroi se takimet pritet të zhvillohen të martën ose të mërkurën, por ende nuk është e qartë nëse Rusia do të pranojë që ato të mbahen në Shtetet e Bashkuara, raporton Bloomberg.

Udhëheqësi i Kievit shtoi se as pala ruse dhe as ajo ukrainase nuk mbështesin propozimin e SHBA-së për krijimin e një zone të lirë ekonomike në rajonin lindor të Donbasit.