Guvernatori Sejko takon ambasadorin e BE-së

Guvernatori i Bankës së Shqipërisë, Gent Sejko priti ambasadorin e Delegacionit të Bashkimit Evropian në vendin tonë, Silvio Gonzato.

Sejko i shprehu mirënjohjen Ambasadorit për hapjen zyrtare të negociatave për Grup-Kapitullin e parë me Bashkimin Evropian që shënon një moment historik në rrugëtimin e Shqipërisë drejt integrimit në union.

Në takim u diskutua lidhur me progresin e bërë nga Shqipëria dhe sfidat me të cilat përballen vendet që aspirojnë të bëhen anëtare të BE-së.